蝦仁炒蛋／蝦仁蒸蛋

三人份　蝦仁　12 隻
　　　　雞蛋　6 隻

蝦仁炒蛋 

1. 雪藏蝦仁解凍，洗淨，抹乾。
2. 加鹽、生粉、胡椒粉醃。
3. 雞蛋加大約 6 湯匙牛奶拂勻。
4. 熱鑊滾油，將蝦仁炒熟，放入蛋液中拌勻。
5. 熱鑊滾油，加入材料炒至蛋液大致凝固。
6. 熄火，用餘溫炒至蛋液全熟。

蝦仁蒸蛋（評語：沒有蝦味）

1. 蝦仁浸鹽水闢味（吓？），切成大粒。
2. 先將蒸蛋的容器蒸熱。
3. 蛋水比例 1:1 拂勻，加入蝦仁。
4. 將材料倒入容器，大火蒸12分鐘。
5. 熄火，不開蓋，焗10分鐘。
6. 加蒸魚鼓油、麻油調味。

好愛媽咪

布冧記得我鐘意食咩，例如曲奇妙趣雪條。團年飯分檯，小朋友檯有一道豆腐，佢夾一舊畀我。（18 歲）

布甸喺房，聽到我喺廳向爹哋勞勞嘈嘈訴苦嘅聲音，走出嚟睇吓咩事，諗住安慰我。（15 歲）

長大了

布冧處理各種升學手續，應變妥當。打電話查詢各樣事宜，對答得體。我讚佢，佢話：「梗係啦，我係一個成熟嘅男人！」不過佢又話：「我還是個寶寶。」（17 歲）

我同布甸分享一隻德國鹹豬手。佢食食吓發現香脆嘅豬皮好好食，第一個反應喺問我：「你有冇呀？」怕我錯過此等美味。（15 歲）

醃雞柳

醃雞柳，先落糖、生抽調味，
再落生粉水，可免雞柳乾鞋，
最後落油，包住雞柳。

兒子的現在和將來

布冧記憶力強，理解力和表達能力都強，要學習體諒弱者，態度謙和。希望他將來能發揮所長，造就很多的人。

布甸好奇心強，敢於突破傳統，用創新方法解決問題，要學習審慎自制，三思後行。希望他將來能發揮所長，幫助世界進步。

心聲

學校請初中家長寫下心聲，用以製作小咭。我的答案是：

你想跟子女說的一句話：

我好開心有你做我個仔，我想將一切嘅祝福都畀晒你！

你想聽到仔女跟你說的一句話：

你放心啦，你教我嘅嘢，我全部都記得。

後來我想，親口說不是更好嗎？於是將這些話都告訴布甸。他聽了就回應說：「我都好開心做你個仔。」

學校又請家長為中六面對 DSE 的孩子寫下打氣說話。我的答案是：

喺！你一定得！

OT

布甸返教會幫手，整理翌日要派發的營會物資，原訂時間是上午 9:00 至中午 12:00。豈料事情繁多，大家努力到下午 2:30 才完成。之後教會更請大家吃午餐，予以慰勞。

布甸說：「以後我可以告訴別人，我人生中第一次 OT，是在十四歲！」