男子漢大丈夫

布甸今日對一位店員唔禮貌，我要求佢，當對方再行過黎，佢就要向對方道歉。後來布甸果然大大聲向對方講「對唔住」，我就讚佢係「男子漢大丈夫」！

咩係「男子漢大丈夫」呀？

唔…呀…… 即係好好既男仔！

係咪即係好乖呀？

唔同既…呀…唔…… 

原來我從來冇認真諗過點先算「男子漢大丈夫」，個腦即刻開 turbo 之後，決定咁講：「即係守信用、勇敢、負責任（排名不分先後）既男仔。」然後我逐個詞語解釋佢聽。

布甸被讚，笑得好開心！

天父啊，願布冧、布甸長大成為「男子漢大丈夫」。阿們！