天父真係好愛我地

今日去樂富 UNY，新開張，勁多人，阿仔要爹地抱，爹地已經抱到好攰，我地兜左好大個圈，都搵唔到有小童坐位既購物車（全部都畀其他人用緊）。搭電梯返回起點時，我地祈禱話：「求天父為我地預備一架購物車，因為爹地已經抱布冧抱到好攰喇！」電梯落到底，行兩步，即刻見到架購物車。

一直以來，我都係用鑊黎烘多士畀阿仔做早餐既，但係好花時間，我好想有部三文治機，想左好耐，都冇出聲。有一日，我的起心肝去電器舖格下價，諗住返屋企同老公商量下買唔買。老公一聽到三文治機，就話：「三文治機？你真係好想要？」原來較早前銀行叫佢 upgrade 張信用咭，佢應承左，贈品就正係三文治機。