祂必指引你的路

話說阿仔搵學校，我地既心水依次係學校 A, B, C。

先有學校 A 及 C 收佢讀下午班，我好唔鐘意下午班，好唔開心，天父就用箴

言 3:5-6 提醒我：「你要專心仰賴耶和華，不可依靠自己的聰明。在你一切所行的事上，都要認定祂，祂必指引你的路。」但係我唔明白，佢要點樣指引我喎？唔通聽到天上有把聲音教我點做咩！

我地決定放棄學校 C。學校 A 就嘗試申請調到上午，當時我想依靠自己既聰明，響申請表上寫啲好厲害既理由，打動校長畀我地調班。調班結果未知。

後來學校 B 又收阿仔讀上午班。咁，讀首選學校既下午班好，定係讀次選學校既上午班好呢？

剛剛辦好晒註冊留位手續之後，就響街上遇見一個「陌生人」，我完全唔認得佢，佢就認得阿仔，原來佢係老公舊教會既姊妹。咁陌生，佢都竟然刻意截停我寒暄。講兩句我已經叫阿仔講 byebye 架喇，佢仲繼續講，就講到哩個話題。

原來，哩位姊妹既大女讀學校 A，細女讀學校 B。哩位有晒兩間學校經驗既家長，好肯定咁對我講：「唔駛諗，梗係學校 B 啦！」

嘩！我真係覺得佢係神既使者，專登黎將神既心意講畀我地聽架。